Afaan Oromoo

Afaan Oromoo (Afaan Oromoo)
Kan dubbatamu:	Itoophiyaa, Keeniyaa,Taanzaaniyaa,Eertiraa,Afrikaa Kibbaa,Sudaan,Misri/Gibxii
Naannoo:	Afrikaa
Dubbattoota:	60000000
Sadarkaa:	4ffaa
Qooddama:	Afroo-Eshiyaatiik Afaan Oromoo
Haala Ofiseelummaa
Afaan ofiseelaa:
Kan too'atu:
Koodii
ISO 639-1	om
ISO 639-2	orm
Bakka itti dubbatamu
Kanas ilaali: Afroo-Eshiyaatiik – Afaan

Afaan Oromoo afaan baay'inaan Afrikaa keessatti dubbataman keessaa sadarkaa afraffaarra jira akka Baayisaa Fufaan qorannoo isaa keessatti addeessetti. Kana jechuun afaan Arabaa, afaan Kiswaahiliitiif, afaan Hawusaatti aana jechuudha. Afaan Arabaa fi afaan Kiswaahilii afaan ardii biraa yoo ta'an, Afaan Oromoo afaan Afrikaa keessatti dubbatamu keessaa Lammaffaa ta'a; osoo mootummaa yookiin wiirtuu afaanii qabaatee immoo addunyaarratti sadarkaa sadaffaa ta'u ni mala.

Afaan Oromoo kutaa afaanii Afroo-Eshiyaatiik jedhamu jalatti ramadama. Afaan kun Afroo-Eshiyaatiik keessaa garee afaanii Kuush jalatti qooddama. Afaanota Kuushi keessa Afaan Oromoo afaan sabni baayyeen dubbatu yoo ta'u, uummata miiliyoona 60 ol ta'utu dubbata. Uummatni afaan kana dubbatu Itoophiyaa fi Kaaba Keeniyaa keessa jiraata. Akka warri afaan qoratan jedhanitti, Afaan Oromoo loqoda(garee) afur qaba: Oromoo Boorana-Arsii-Gujii, Oromoo Bahaa, Ormaa, fi Oromoo Dhihaa fi Giddugaleessa ti.

Diikshinerii

Seenaa Afaanii

Warraaqsa Itoophiyaa kan bara 1974 dura, Afaan Oromootiin barreeffama maxxansuunii fi tamsaasa raadiyoo ykn TV dabarsuun dhorkaa ture. Barreeffamni xiqqoon san dura maxxanfaman kan akka hiikaa Macaafa Qulqulluu kan Onesimoos Nasiibii fi Asteer Gannootiin hiikaman qubee Gi'iiziitti fayyadamuun. Kakuu Haaraan bara 1875 Kiraapfin maxxanfames akkasuma qubee Gi'iiziitti fayyadame. Warraaqsa Itoophiyaa bara 1974tti aansee, mootummaan duula barreessuu fi dubbisuu afaan baay'eedhaan, Afaan Oromoo dabalatee, geggeessaa kan ture yoo ta'u, Afaan Oromootiin barreeffama maxxansuunii fi tamsaasa dabarsuun yeroo kana jalqabe. Barreeffamoonni yeroo kana Afaan Oromootiin maxxanfaman, kan akka gaazexaa Bariisaa, qubee Gi'iizii fayyadaman.

Afaan Oromoo afaan barnootaa taasisuuf yaaliin godhame amma mootummaan Dargii bara 1991 kufutti milkaa'uu hin dandeenye. Sana dura garuu naannoowwan ABOn too'ataman keessatti afaan barnootaa taasifameera. Erga Mootummaan Naannoo Oromiyaa hundeeffamee booda, manneen barnootaa sadarkaa 1ffaa keessatti Afaan Oromoo afaan barumsaa akka ta'uufii afaan hojii kan naannichaa akka ta'u godhameera.

Bara 1991 jalqabee, Afaan Oromoo [Qubee[]]tti fayyadamee barreeffama. Murtii kanaan booda, barreeffamoonni adda addaa bara 1991 hamma 1997tti maxxanfaman kan duraan waggaa 100f maxxanfaman akka caalan dubbatama.

Galanni Rabbiif haa ta'u malee, amma afaan keenya Afaan Oromoo, afaan saba guddaa,afaan lammii sabboontotaa kan akka ardii Afrikaatti sadarkaa keessa gale kun fuulduratti afaan addunyaatti beekamtii qabuu fi isa duraa akka ta'u nama hin shakkisiisu. Kunimmoo hirmaannaa lammii baratee fi gahee nama maraati.

Seerluga

Bamaqoota

Bamaqootni ammoo jechoota maqoota bakka bu'uu danda'aniidha. Jechumti "Bamaqaa" jedhu iyyuu yoo qoodamee ilaalamu "Ba-" fi "Maqaa" of keessaa qaba. "Ba-" kan jedhu jecha "Bakka" jedhu bakka bu'a. "Bamaqaa" = "Bakka Maqaa"

Bamaqoota matayyee

+Bamaqoota matayyee

Base	Subject	Dative	Instrumental	Locative	Ablative	Maqibsoota abbuummee
ana, na	ani, an	naa, naaf, natti	naan	natti	narraa	koo, kiyya [too, tiyya (f.)]
si	ati	sii, siif, sitti	siin	sitti	sirraa	kee [tee (f.)]
isa	inni	isaa, isaa(tii)f, isatti	isaatiin	isatti	isarraa	(i)saa
isii, ishii, isee, ishee	isiin, etc.	ishii, ishiif, ishiitti, etc.	ishiin, etc.	ishiitti, etc.	ishiirraa, etc.	(i)sii, (i)shii
nu	nuti, nu'i, nuy, nu	nuu, nuuf, nutti	nuun	nutti	nurraa	keenna, keenya [teenna, teenya (f.)]
isin	isini	isinii, isiniif, isinitti	isiniin	isinitti	isinirraa	keessan(i) [teessan(i) (f.)]
isaan	isaani	isaanii, isaaniif, isaanitti	isaaniitiin	isaanitti	isaanirraa	(i)saani

Lakkoofsa

Kanas ilaali: Lakkoofsa

0 — zeeroo, duwwaa	40 — afurtama
1 — tokko	50 — shantama
2 — lama	60 — jahaatama, ja'aatama
3 — sadii	70 — torbaatama
4 — afur	80 — saddeetama
5 — shan	90 — sagaltama
6 — jaha, ja'a	100 — dhibba (tokko)
7 — torba	101 — dhibba (tokko) fi tokko
8 — saddeet	102 — dhibba (tokko) fi lama
9 — sagal	...
10 — kudhan	200 — dhibba lama
11 — kudha tokko	201 — dhibba lama fi tokko
12 — kudha lama	...
...	1000 — kuma (tokoo)
20 — digdama	2000 — kuma lama
21 — digdami tokko	2043 — kuma lama fi afurtami sadii
22 — digdami lama	5327 — kuma shan dhibba sadii fi digdami torba
...
30 — soddoma
31 — soddomi tokko
...

Ordinals

1^st — tokkoffaa'
2^nd — lammaffaa
3^rd — sadaffaa
4^th — arfaffaa, afraffa
5^th — shanaffaa
6^th — jahaffaa
7^th — torbaffaa
8^th — saddeettaffaa
9^th — salgaffaa
10^th — kurnaffaa, kudhaffaa
11^th — kudha tokkoffaa

Fractions

1/2 — walakkaa (tokko lamaffaa)
1/3 — nuusa (tokko sadaffa)
1/4 — kurmaana (tokko arfaffaa)
7/8 — torba saddeetaffaa

Maqibsa

Xumibsa

Gochibsoota

Tolaan saree ajjeese

Ogbarruu

Ogbarruu Oromoo

• Geerarsa
• Fixeensa (Boruu Barraaqaa)
• Mudaammuddii (Boruu Barraaqaa)

• Ali, Mohammed; Andrzej Zaborski (1990). Handbook of the Oromo Language. Poland: Polska Akademia Nauk.
• Journal of Oromo Studies

Geessituu alaa

• Seerlugaa Afaan Oromoo
• Afaan Oromoo and Literature
• Oromo Literature
• Fixeensa
• Afaan Oromoo