Xurunash Dibaabaa

From Wikipedia
Jump to: navigation, search
POTY barnstar.svg
Xurunash Dibaabaa
Tirunesh Dibaba Bislett Games 2008.jpg
Ogummaa: Atileetii
Biyya: Itoophiyaa
Guyyaa dhalootaa: Onkoloolessa 1, 1985
Bakka dhalootaa: Boqojjii

Xurunash Dibaabaa Qananii atileetii Itoophiyaa fiigicha dheeraa beekamte dha. Isheen yeroo amma chaampiyoonii olompiikii meetira 5000 fi 10,00 ti. Xurunash fiigicha tiraakirraa afurii fi fiigicha qaxxaamura biyyaa shan moo’atteetti. Kanaafis maqaan galaafattuu fuula ijoollee qabdu jedhamu kennameef.

Xurunash Onkoloolessa 1, 1985 iddoo Boqojjii jedhamutti dhalattee. Maatii ishee ijoollee 6 qabaniif Xurunash mucaa afraffaadha. Xurunash kan guddatte lafa ol ka’aa godina Arsii keessatti yoo ta’u atileetiksii umurii ishii 14tti jalqabde.

Xurunash qaama maatii atileetiksii ti. Obboleettiin ishii Ijjigaayyoo Dibaabaa waltajjii addunyaarratti kan beekkamtu yoo ta’u obboleessi ishii Dajanee Dibaabaa akka abdii gara fuula duraatti ilaallama. Obboleettiin ishii Ganzabee Dibaabaa dorgommii guddattootaa(junior) Qaxxaamura Biyyaa kan Addunyaa 2008 godhame moo’atteetti. Moo’attuun Olompiikii 1992 fi Olompiikii 2000 Daraartuu Tulluu durbii isaanii ti. Daraartuun milkaa’ina seenaa fiigicha dheeraa uummata Oromoo itti fufsiisaa jirti.

Medaaliyaa Warqii Olompiikii[edit | Lakkaddaa gulaali]

Xurunash riikardii addunyaa haaraa meetira 5000, daqiiqaa 14:11.15 Gooldan Ligii Osloo 2008 irratti galmeessitee jirti. Xurunash Olompiikii Beejiing irraatti meetira 10,000n Hagayya 15, 2008 riikardii Olompiikii haaraa daqiiqaa 29:54.66 galmeessuun moo’atte. Duraan riikardii kana Olompiikii Sidinii irraatti daqiiqaa 30:17.49n qabatte kan turte durbii ishii Daraartuu Tulluu turte. Riikardiin Olompiikii kun seenaa fiigicha meetira 10,000 hanga ammaatti geggeeffame keessaa isa olaanaa lammaffaa yoo ta’u, Afrikaa keessaa immoo riikardii haaraadha. Afrikaa keessaa duraan riikardii kana Shampiyoonshiippii Addunyaa 2003 irratti daqiiqaa 30:04.18n qabattee kan turte Biraanee Adareeti.

Torban tokko booda, Xurunash, gaafa Hagayya 22, 2008tti, meetira 5000n duraan shaampiyoonii kan turte Masarat Daffaar dursuun moo’attee. Sa’aatiin ishiin galmeessites daqiiqaa 14:41.40 ture. Moo’ichhi kunis dubartii jaqabaa meetira 10,000 fi 5,000n Olompiikii tokkorratti moo’atte ishii taasisa.

Xurunash, bara 2008 atileetii wagga kanaa jedhamtee Track & Field Newsn filamteetti. Akkasumas, baruma kana, yeroo lammaffadhaaf IAAFn ‘qabxii bayeessa dubartii waggaa kanaa(female Performance of the Year)’ jechuun filateera. Sana dura, bara 2005ttis badhaasa kana argattee turte.

Jireenya Dhuunfaa[edit | Lakkaddaa gulaali]

Xurunash abbaa madaaliyaa meetii olompiikii 2004 fi 2008 Silashii Sihiintti heerumte. Erga Olompiikii Beejingii, kilabiin ishii Poolisiin Mana Sirreessaa, sadarkaa chiif suupper intendentii jedhamu kenneefii jira. Akkasumas hoospitaalli naannoo Finfinneetti ijaaramaa jiru tokko maqaa ishiitiin moggaafame jira.

IAAF[edit | Lakkaddaa gulaali]

Daayimandi Ligii (Diamond League)[edit | Lakkaddaa gulaali]

Daayimandi Ligiin dorgommii walitti fufaa tiraakii fi dirree keessaa IAAFn bara 2010 hundeeffame.

Bara Dorgommoo Fiigicha Sadarkaa Sa’aatii
2010 Adidas Grand Prix, New York City 5000m 1ffaa 15:11.34
Aviva London Grand Prix, London 5000m 1ffaa 14:36.41

Atileetiksii Addunyaa Xumuraa[edit | Lakkaddaa gulaali]

Atileetikissiin Addunyaa Xumuraa dorgommii atileeksii waggaa waggaan bara 2003 hanga 2009 tti IAAFn geggeeffame.

Bara Iddoo Dorgommii Sadarkaa Sa’aatii
2003 Monaakoo 5000 m 3ffaa 14:57.87
2005 Monaakoo 5000 m 2ffaa 14:46.84
2006 Istuutgaarti 3000 m 2ffaa 8:34.74
5000 m 1ffaa 16:04.77
2009 Tasalooniki 5000 m 2ffaa 15:25.92

Gooldan Ligii(Golden League)[edit | Lakkaddaa gulaali]

Gooldan Ligiin dorgommii walitti fufaa tiraakii fi dirree keessaa bara 1998 hanga 2009 IAAFn geggeeffame.

Bara Magaa laa Dorgommii Sadarkaa Sa’aati
2002 Biraaselsi 3000 m 11ffaa 8:41.86
Barliin 5000 m 6ffaa 14:49.90
2003 Osloo 5000 m 3ffaa 14:39.94
Roomaa 5000 m 4ffaa 14:41.97
2004 Bergen 5000 m 2ffaa 14:30.88
Roomaa 5000 m 4ffaa 14:47.43
2005 Roomaa 5000 m 1ffaa 14:32.57
2006 Osloo 5000 m 1ffaa 14:30.40
Paaris Se’int-Denis 5000 m 1ffaa 14:54.24
Roomaa 5000 m 1ffaa 14:52.37
Zuuriik 5000 m 1ffaa 14:45.73
Biraaselsi 5000 m 1ffaa 14:30.63
Barliin 5000 m 2ffaa 15:02.87
2007 Paaris Se’int-Denis 5000 m 1ffaa 15:21.84
2008 Osloo 5000 m 1ffaa 14:11.15
Roomaa 5000 m 1ffaa 14:36.58

Qabxii Olaanaa Ishiin Fidde(Personal Bests)[edit | Lakkaddaa gulaali]

Kan bakkee[edit | Lakkaddaa gulaali]

Dorgommii Sa’aatii Guyyaa Magaalaa
3,000 m 8:29.55 Adoleessa 28, 2006 Landan
5,000 m 14:11.15 (RA) Waxabajjii 6, 2008 Osloo
10,000 m 29:54.66 Hagayyaa 15, 2008 Beejiing
5 km (karaarra) 14:51 Eebla 3, 2005 Kaarlisbaad*
15 km (karaarra) 46:28 (RA) Sadaasa 15, 2009 Nijmeegen*

Kan mana keessaa[edit | Lakkaddaa gulaali]

Dorgommii Sa’aatii Guyyaa Magaalaa
3,000 m 8:33.37 Amajjii 26, 2008 Boostan
Maayilii lama 9:12.23 Gurraandhala 20, 2010 Barmiingaam
5,000 m 14:27.42 Amajjii 27, 2007 Boostan

References[edit | Lakkaddaa gulaali]