Abboomaa Mitikkuu
Abboomaa Mitikkuu qabsaawaa mirga uummata Oromoo yoo ta'u warra Adda Bilisummaa Oromoo hundeessan keessaa isa tokko. Abbooman hoggonaa ABO gammoojjii Sumaalee fi miseensota ABO imaltuudhaaf odoo deemanii gaafa Ebla 15, 1980 Sumaaledhan ajjeefaman keessaa isa tokko.
Seenaa Duubaa[gulaali | lakkaddaa gulaali]
Abbooman barnoota sadarkaa lammaffaa Mana Barumsaa Tafarii Makonninitti barate. Ittuma fufuun, barnoota sadarkaa olaanaa Yuunivarsiitii Finfinnee (yeroo sana Yuunivarsiitii Hayila Sillaasee jedhama) bara 1972 galuudhan barate. Yuunivarsiitii yeroo turetti Abboomaan sochii barattootaa keessatti ballinaan hirmaachaa ture. Yuunivarsiitii keessatti, Abboomaan dura ta'aa barattoota Yuunivarsiitii Finfinnee ta'ee filatamuun hojjachaa ture. Namoota inni dorgomee moo'ate keessaa Mallas Zeenaawii, kan boodarra muummicha ministeeraa ta'e, isa tokko.