Jump to content

James Peace

Wikipedia irraa
Peace bara 2019tti

Kenneth James Peace, A.L.A Fulbaana 28, 1963 Peesilee (Afaan Ingiliish: Paisley) keessatti dhalate, lammii Iskootlaand qindeessaa muuziqaa, taphataa piyaanoo konsartii fi artistii suuraa ti.

Jireenya Isaa

[gulaali | lakkaddaa gulaali]

James Peace biyya Iskootlaand (Afaan Ingiliish: Scotland) bakka Peesilee jedhamutti Fulbaana 28, 1963 dhalate.[1][2] Umrii ijoollummaa isaa irra-caalmaan Helensbiraa (Afaan Ingiliish: Helensburgh), rizoortii bishaan cina lixa Iskootland tti argamutti dabarse. Maatiin isaa artistoota hedduu (kan akka John McGhie) dabalata, akkasumas qindeessaa beekamaa muuziqaa shubbisaa jalqaba walakkaa jaarraa 20ffaa kan ta’e Felix Burns waliin illee walitti dhiyaata.[1][3] Barnoota Piyaanoo umrii waggaa saddeet eegalee fudhatee, yeroo jalqabaaf hojiin inni ummata duratti dhiyeesse umrii kudha-afuritti muuziqaa Scott Joplin taphachuun ture. Waggaa tokko booda taphataa piyaanoo ta’ee Waldaa Qulqulluu Andriyaas (Afaan Ingiliish: St. Andrew Church) Doomibaatoon (Afaan Ingiliish: Dumbarton) keessatti argamutti filamee, umrii kudha-ja’atti ammo Akkaadamii Muziqaa fi Diraamaa (Royal Scottish Academy of Music and Drama, kan amma Royal Conservatoire of Scotland jedhamutti) barataa guyyaa-guutuu umrii gad-aanaan seene jalqabaa ta’e.[1][3][4][5] Bara 1983 tti Yunivarsitii Glaasgoo irraa digirii jalqabaan (B.A.) barsiisa piyaanootiin eebbifame.[6][7] Bara itti aanu, muziqaa Mendelssohn kan Piano Concerto No.1 jedhamu Hawwisoo RSAMD waliin taphatee, muuziqaa tapachuudhaan dippiloomaa fudhate.[1] Barnoota idilee erga xumuree booda akka taphataa piyaanootti nama baayyee barbaadamu ta’uun Edenbiraa (Afaan Ingiliish: Edinburgh) keessa bara 1988-1991 jiraate.[1][3]

James Peace - Idylls Op.4b

James Peace magaalaa Baad Nawuhayim (Afaan Jarmanii: Bad Nauheim), Jarmanii (Afaan Jarmanii: Bundesrepublik Deutschland) keessa 1991-2009 jiraate.[6][7][8] Bara 1998 irraa kaasee tango barachuu eegalee, CD Tango escocés (Tango Iskootland) piyaanoo dhuunfaa isaan qopheessuun qindeessee, bara 2002 keessa miseensa Akkaadamii Muuziqaa Viktooriyaa ta’e.[3][8] Baruma sana keessa duula konsartii dhuunfaa kaaba Jarmaniitti Fulbaana/Onkoloolessa keessa fi gara Baha Fagootti Sadaasa keessa, akkasumas hojii isaa jalqabaa Tango XVII Hoong Koong keessatti dhiyeesse.[8][9][10][11][12]

Baroota itti aanan keessa xiyyeeffannoon hojii isaa Yuurooppi keessa ture. Tango dhuunfaa isaan magaalota gurguddoo kana keessatti dhiyeesse: Amistardaam, Ateensi,[13] Barliin,[14] Biraasselsi, Helsiinkii,[15] Liisban,[16] Landan, Maadriid,[17] Osloo,[18] Reykjaavek[19] fi Viyeenaa.[20]

Bara 2008 keessa miseensa Kolleejii Muuziqaa Landan ta’e, hojiiwwan tango isaaf bekkamtii kennuudhaan.[1]

Turtii yeroo muraasaa Edenbiraa booda Guraandhala 2010 keessa gara Jarmanii tti deebi’e, magaalaa Viisbaadan (Afaan Jarmanii: Wiesbaden) jiraachuuf.[1][2] Kunis kaka’umsa haaraa isaaf kennuun fiilmiiwwan gaggabaaboo dhuunfaa isaan qophaa’an hojjeteera. Dookumentariin ‘James Peace Viisbaadan keessatti’ jedhamu hojiiwwan isaa kanneen keessaa tokko dha.[21][22]

Bekkamtii fi Badhaasa

[gulaali | lakkaddaa gulaali]

• Badhaasa Jalqabaa, Dorgommii Agnes Millar (Afaan Ingiliish: Agnes Millar Prize for sight-reading), Glaasgoo 1983[4]

Tango XVIII by James Peace (James Peace, piano)
Tango Milonga op. 26

• Badhaasa Jalqabaa, Dorgommii E.I.S. (Afaan Ingiliish: Educational Institute of Scotland Prize for Piano Accompaniment), Glaasgoo 1983[4]

• Badhaasa Barreeffamaa Sibelius, 1985[4]

• Dippiloomaa Kabajaa, Dorgommii Qindeessuu Muuziqaa Addunyaa TIM (Afaan Xaaliyaanii: Torneo Internazionale di musica), Room 2000[1][2][5]

•  Dippiloomaa Kabajaa, Faawundeeshinii IBLA, Niwuu Yoork[1][2][5]

• Medaaliyaa Yaadannoo, Waldaa Piyaanoo Duo Addunyaa, Tookiyoo[1][3][5][7][8]

• Medaaliyaa Warqii, Akkaadaamii Adduyaa ‘Lutèce’ (Afaan Faransaayii: Académie Internationale de Lutèce), Paaris[1][3]

Hojiiwwan Muuziqaa Gurguddoo

[gulaali | lakkaddaa gulaali]

• Fincaa’aa (Afaan Ingiliish: The Waterfall)

• Iddiilaan (Afaan Ingiliish: Idylls)

• Faaruu Ganamaa (Afaan Ingiliish: Aubade)

• Imimmaan Callisaa (Afaan Ingiliish: Silent Tears)

• Baala Irraanfataman (Afaan Ingiliish: Forgotten Leaves)

• Oboe Sonata

• Agaarsiisa Ayyaanaa lakk. 1 (Afaan Ingiliish: Ceremonial March No.1)

• Agaarsiisa Ayyaanaa lakk. 2 (Afaan Ingiliish: Ceremonial March No.2)

• Baalaad

• Warqii Arfaasaa (Afaan Ingiliish: Autumn Gold)[23]

• Weedduu Barabaraa (Afaan Ingiliish: Eternal Song)[1]

• ‘Joorjiyaaf’ (Afaan Joorjii: საქართველოსთვის)

(barreeffamaan: Tamar Chikvaidze, Zurab Chikvaidze fi James Peace)

• Tango 24 piyaanoo dhuunfaaf[1][24][21][22]

Wabii

[gulaali | lakkaddaa gulaali]
  1. ↑ 1.00 1.01 1.02 1.03 1.04 1.05 1.06 1.07 1.08 1.09 1.10 1.11 1.12 Birgitta Lampert. “Sagaleewwan ‘waraana’ malee”. Wiesbadener Tagblatt (gaazexaa Jarmanii), Guurandhala 10, 2011
  2. ↑ 2.0 2.1 2.2 2.3 Julia Anderton. “Tango akka seenaa hadhaa-mi’aa”. Wiesbadener Kurier (gaazexaa Jarmanii), Bitootessa 24, 2012  
  3. ↑ 3.0 3.1 3.2 3.3 3.4 3.5 Sabine Klein. “Muuziqaa koo akkuma koo – baayyee jaallatamaa”. Frankfurter Rundschau (gaazexaa Jarmanii), 1992, maxxansa 254 fuula 5  
  4. ↑ 4.0 4.1 4.2 4.3 G. Müller. “Lubbuun piyaanoo Tangoof shubbisa”. Kulturspiegel Wetterau (gaazexaa Jarmanii), Caamsa 17, 2001, fuula 5
  5. ↑ 5.0 5.1 5.2 5.3 Deutsche Nationalbibliothek. ‘James Peace’
  6. ↑ 6.0 6.1 ‘James Peace’. FRIZZ (barruu Jarmanii), Amajjii 2012, fuula 5
  7. ↑ 7.0 7.1 7.2 Manfred Merz. “Addunyaa jaalalaa aadaaf dhuudhaan dibame”. Wetterauer Zeitung, Muddee 12, 1992. Fuula 19
  8. ↑ 8.0 8.1 8.2 8.3 ‘James Peace’. The Tango Times (barruu Niwuu Yoork), Gannaa 2002/2003. Maxxansa 39, ful. 1, 2, 4 fi 5
  9. ↑ La Cadena (barruu Neezerlaand). Fulbaana 2002. Fuula 26
  10. ↑ TangoTang (barruu Hoong Koong), Onkoloolessa 8, 2002
  11. ↑ ‘James Peace’. South China Morning Post (gaazexaa Hoong Koong), Onkoloolessa 9, 2002
  12. ↑ Waldaa Piyaanoo Duo Addunyaa. Maqaa namoota injifatanii 2002
  13. ↑ Waraqaa sagantaa konsartii {Για σένα, Αγγελικι}. Ateens, Onkoloolessa 27, 2016
  14. ↑ Tangodanza (barruu Jarmanii), Amajji 2002 - 9
  15. ↑ Poostara konsartii (Fiinlaandi, 2013)
  16. ↑ Poostara konsartii (Poortugaal, 2016)
  17. ↑ Poostara konsartii (duula konsartii Ispeen keessatti - ‘¡Feliz cincuenta cumpleaños, 2013!’)
  18. ↑ Listen.no. Konsert, James Peace (flygel). Munch Museum. Osloo, Onkoloolessa 16, 2004
  19. ↑ Ríkarður Ö. Pálsson. “Skozir Slaghörputangoár”. Mogunblaðið (mbl), Onkoloolessa 14, 2004
  20. ↑ Waraqaa sagantaa konsartii. Viyeenaa, Amajjii 23, 2005
  21. ↑ 21.0 21.1 National Library of Scotland. ‘James Peace in Wiesbaden’
  22. ↑ 22.0 22.1 Deutsche Nationalbibliothek. ‘James Peace in Wiesbaden’
  23. ↑ Schwäbische Post. “Sagaleen vaayoliini hawwiisoo irratti olka’a”. Waxabajjii 4, 1994
  24. ↑ National Library of Scotland. ‘Tango escocés’
"https://om.wikipedia.org/w/index.php?title=James_Peace&oldid=43649" irraa kan fudhatame