Yaadrimee Tuutaa

safaka ykn diyaagiraamii Venn kan miseensota kipha tuuta lamaa tuuta keessatti agarsiisu.

yaadrimeen tuuta damee herregaa kan qo'annoo tuuta irratti xiyyeeffatudha . Tuuta jechuun walitti qabama wantota sirritti ibsamaniiti. Wantonni tokkoon tokkoo tuuta keessatti argaman miseensota tuutichaa jedhamu.

Tuutni tokko sirritti ibsameera kan jedhamu wanti kenname tokko miseensa tuutichaa ta’uuf dhiisuu isaa shakkii malee murteessuu kan danda’amu yoo ta’ee dha. Tuutni yeroo moggaafamu qubeewwan gurguddoodhaan moggaafama. Tuutni miseensota isaatti fayyadamuun yoo ibsamu miseensota isaa tarreessuun qoodduun adda baasuun mallattoo “{ }” keessatti barreessu dha.

Gosoota Tuutotaa

Tuuta Duwwaa

Tuutni miseensota homaa hin qabne tuuta duwwaa jedhama. Tuutni duwwaan mallattoo’’{ }’’ yookiin Ø tiin ibsama.

Tuuta Dhaabbataafi Tuuta fufaa

Baay’inni miseensota tuuta tokkoo lakkaawamee kan dhumu yoo ta’e, tuutichi tuuta dhaabbataa jedhama.Tuutni miseensonni isaa lakkaawwamee hin dhumne tuuta fufaa jedhama.

Hariiroo Tuutotaa

Cita Tuutaafi Cita sirrii tuutaa

Cita Tuutaa

A fi B’n tuutota yoo ta’aniifi miseensonni tuuta B marti miseensa tuuta A yoo ta’an, B’n cita tuuta A ti jedhama. Mallattoon cita tuutaa “C ” dha. B C A jechuun “tuutni B cita tuuta A’’ti jechuudha