Faaruu
Gosoota Faaruu[gulaali | lakkaddaa gulaali]
Faaruu Loonii[gulaali | lakkaddaa gulaali]
Loon wayyaa
Loon wayyaa
Dibatan miidhaagsoo
Dhugan qabbaneessoo
Yoo jiranis loonii
Yoo du’anis foonii
Dhugumaa loon wayyaa! ( 2 X)
Ishoo! ...
Eessa kee gaturee
Yaa loonii,
Ittiin sii kooru malee,
Faayidaarra si oolchu malee
Wedduu da'imaanii[gulaali | lakkaddaa gulaali]
Ururuu yaa mucayyoo
Mucayyoo yaa xinnayyoo
Atis ni taata namaa
Sirraa haa qabu hamaa
Afaan kee haa ta’u dammaa
Ururuu yaa mucayyoo
Aannaan feetu dhugi
Qoraasee siinaqeera
Irriba jettu rafii
Haxaayee si afeera
Haati kees ni gammaddee
Erga mucaa argattee
Waaqni si haa guddisuu
Inni hunda mul’isuu
Inni xinnaa guddisuu
Inni duudaa dubbisuu
Inni qallaa furdisuu
Ururuu jennaan rafi
Ka’i jennaan dammaqi
Faaruu Jaalalaa[gulaali | lakkaddaa gulaali]
Ashaakiltii baala nyaatuu
Naa ergi baala waleensuu
Magaaltittii nyaara kuullee
Naa ergi waan na jabeessuu
Muree mureen mana ijaaraa
Yoo Sokorruun mana taatee
Dhufee dhufeen si ilaalaa
Faaruu ayyaanaa[gulaali | lakkaddaa gulaali]
Yaa sinaara moggaadha (2x)
Nagaan olchii nugaalchii
Yaa ayyaana waggaadha.
Mee sinaara calleechi (2x)
Adbaarii yaa ulfoo too
Mee safuu nuu qajeelchii
Adaamii yaa kurfoo too (2x)
Bobaa kee jala seene
Adbaarii yaa ulfoo too