Dhangalaa'aa qaamaa

Akkaataa rifeensa micanuu itti rifeensa keenya miicannu Rifeensi qulqullina ni barbaada. Garuu guyyaa guyyaan rifeensa mataa keenya kan qulqulleeffannu yoo tahe dibata uumamaa rifeensa keenyarra jiru fixaa deemuun rifeensi keenya akka goggoguuf caccabu godha. Dabalataan rifeensa keenya osoo hin miiccatin yeroo dheeraaf turuunis xiraa’wwaan, caccabaan rifeensaafi seelonni gogaa du’an qaawwa gogaa rifeenmsa keenya cufuun akka rifeensi hin guddanne akkasumas rifeensi nurraa dhumaa deemu godha. Kanaaf rifeensa mataa keenya guyyaa lama lama ykn sadi sadiin qulqulleefdfachuu qabna. Rifeensi mataa keenya dibata ykn zayita uumamaa hedduu kan maddisiisuu yoo tahe qulqullinaaf shaambuu fayyadamun nii gorfama. Haala itti fayyadama Shaampoo fi kondishinerii: Shampoon xuraa’aa gogaa rifeensa keenyarra jiruuf dibata gogaa garmalee qulqulleessuuf kan ooludha. Kanaaf shampoo yeroo fayyadamnu gogaa rifeensa keenya ittii sukkuumnee miicuu qabna malee rifeensa keenyaa ittiin garmalee sukkuumnee miicuu hin qabnu. Yeroo shaampoon rifeensa ittiin garmalee sukkuumnu dibata uumamaa(Natural Oil) rifeensa mataa keenya irraa fixuun rifeensi akka garmalee caccabuuf dhumu godha. Dabalataan Koondishinerii rifeensaa yeroo fayyadamtan gogaa rifeensa buqqee mataatti osoo hin taane rifeensa keenyatti dibnee sukkuumnee miicachuu qabna. Akkasumas kondishinerii erga rifeensatti dibdanii booda daqiiqaa 2 oli rifeensa keenyarra turuu hin qabu. Bishaan ho’aan rifeensa miicachuu /qulqulleefachuu: Namoonni hedduun bishaan ho’aan rifeensaafi qaama dhiqachuu jaalatu. Bishaan ho’aan yeroo hedduu rifeensa miicachuun ykn qulqulleeffachuun rifeensa keenya balleessa. Ho’i bishaan ho’aa keessaa bahu kun gogaan rifeensa keenyaafi rifeensi keenya goggogsuun dibatni uumamaa rifeensaafi gogaa sebum jedhamu akka hin uumamne godha. Akkasumas ho’i bishaan ho’aa keessaa bahu kun pirootinin rifeensaa akka hir’atu gochuun rifeensi akka caccabu godha. * Kanaaf maal gochuu qabdu? Bishaan qabbanaa’aan rifeensa keessan miicadhaa. Yeroo rifeensa miicattan daqiiqaa 10-15 caalaa miicachuu hin qabdan. Rifeensa mataa keenya torbanitti yeroo 2-3 caalaa jiisuu ykn micuu dhiisuu Maashina rifeensa mataa jiidhe dafee qoorsu (blow dryers) fayyadamuu: Namoonni hedduun ariitiin rifeensi mataa isaani akka dafee qooruuf maashina rifeensa ho’isee dafee qoorsu fayyadamu. Kunimmoo pirootina mataa Keeratiin jedhamu fixa. Dabalataan rifeensi gogaa dibata uumamaa isaa dhabuun akka goguuf caccabu gdha. Tarii carraa biraa yoo dhabdan yoo xiqqaate Centimeetira 15 ofirraa fageessuun qoorsuun ni gorfama. Haala ittiin rifeensa keenya filannu ykn abaxxarru: Rifeensa keenya akkuma dhiqanneen utuu hin qoorin jiidhaa isaati filachuun rifeensi keenya akka dhumuuf caccabu godha. Dabalataan rifeensa keenya yeroo filannu kallattiin rifeensi keenya guddataa jiruun filachuun barbaachisaadha. Kallattiin faalaa guddina rifeensa keenyaan filachuu hin qabnu. Yeroo dheeraaf Ifa aduu keessa turuu: Yeroo dheeraaf ifa aduu keessa yeroo turru ykn deemnu altiraavaayoolet ray ifa aduurra dhufu pirootinii rifeensa keenyaa fixuun rifeensi keenya akka laafuu, caccabuu, aarrii baasuufi molaa’u godha. Kanaaf yeroo dheeraa aduu keessa deemtu yoo tahe ykn aduu keessa ni turtu yoo tahe rifeensa mataa keessanii iskaarfii, shaarbii ykn koofiyyaan haguuguu ni dandeessu. Rifeensa mataa keessanii carqiin garmalee sukkuumunis rifeensi keenya akka caccabuuf dhumu godha Hir’ina nyaata: Qaamni keenya akkuma dalaguuuf akkasumas jiraachuuf nyaati madalaawaa tahe isa barbaachisu rifeensi keenyas bareeduuf akkasumas fayyaa tahuuf nyaata madaalawaa iosa barbaachisa. kanaaf nayaata vaayitamin E , pirootina, Ziinkii, kooperii fi albuudota garagaaraa of keessaa qaban fayyadamuun barbaachisaadha. Boraatii jirbii guutuu (Cotton) tahe fayyadamuu Boraatiin ciisichaa jiorbii guutuu ykn cotton dibata uumamaa gogaan rifeena keenya rifeensa keenyaaf maddisiisu xuuxuun rifeensi akka goggoguuf caccabu godha. Kanaaf boraatii Siilkiin badhaadhe fayyadamuun gaariidha Bishaan Kilooriniin badhaadhe daakuu: Hedduun keenya bishaan daakuun ni jaalanna. Yeroo baayyee bishaan daakaa ykn swimming pool keessatti kilooriniin naqu. Kilooriniin kun dibatni uumamaa rifeensarra jiru irraa kaasuun rifeensi akka gogu, caccabuu godha. Kanaaf shamarran keessayuu bishaan kiloorinii of keessaa hin qabne daakuu qabdu. Akkasumas bishaanni sun yoo kiloorinii qabaates haguuggi rifeensa mataa uffachuun daakuun barbaachisaadha. Dhiphina sammuu: Namni tokko yeroo baay’ee dhiphatu hormooniin dhiphinaa kanneen akka koortisooli gadi dhiifama. Hormoonnin kunniinis rifeensa mataa keenya akka haphatu, garmalee qal’atuuf dhumu godhu. Kanaaf damma danda;ametti dhiphina sammuu hir’isuuf yaaluu qabna. Keemikaala rifeensaa fayyadamuu: Namoonni hedduun rifeensa isaanii laafisuuf, bifa jijjiiruuf akkasumas maruuf dibata keemikaala garagaraa of keessaa qaban fayyadamu. Dibatootni keemikaala kanneen akka hydrogen peroxide, sodium peroxide, silocones, bleach, perms, parabenifi Alkoolii of keessaa qaban rifeensa keenya fixuu, caccabsuufi bifa jijjiiruu keessatti qooda qabaatu. Kanaaf dibatoota keemikaala armaan olii of keessaa qaban hin fayyadaminaa.