Kana Beektaa

From Wikipedia
Jump to navigation Jump to search

Kana Beektaan barruu baratoonni Oromoo waa'ee hacuuccaa Oromoo ibsuuf dhoksaadhan maxxansiisaa turani. Barruu kana maxxansiisaa kan ture barattoota Yuunivarsiitii Finfinnee mooraa Saayinsii Hawaasaa yoo ta'u kan maxxanfamuu jalqabes bara 1969ti. Kaayyon barruu kanaa Oromoonni baratan aadaa fi afaansaanii hacuuccaa sirni Abashaa irraan ga'aa jiru faccisanii akka eeggatan dadammaksuufi. Barruun kun waggaa tokkoo fi walakkaadhaf dhoksaadhan maxxanfamaa erga turee booda cufame. Barruu maxxansuurratti namoonni yuunivarsiitii ala jiranillee deeggaraa kan turan yoo ta'u kana keessaa tokko Luba Guddinaa Tumsaati. Odoo gargaarsa Luba Guddinaa hinqabaannee barruu kana maxxansuun ulfaata ta'a ture.

Wabii[edit | Lakkaddaa gulaali]

  • Mekuria Bulcha. The Language Policies of Ethiopian Regimes and The History of Written Afaan Oromoo: 1844-1994