Jechiikaa herreegaa

Galmee Jechoota Herregaa kun tarree jechoota teeknikaa herregaa kan Afaan Ingiliziitiin beekamanii fi hiika isaanii Afaan Oromootiin of keessatti qabata. Kaayyoon isaa inni guddaan jechoota herregaa Afaan Oromoo standardii gochuufi akka maddaatti tajaajiluudha. Galmeen kun yeroo yeroon ni fooyya'a, jechoonni haaraanis itti dabalamaa deemu.

Bu'uuraalee Herregaa (Basic Concepts)

Maqaa Afaan Ingiliziin	Maqaa Afaan Oromoon	Ibsa Gabaabaa
Number	Lakkoofsa	Mallattoo herregaa kan baay'ina, ida'ama, ykn safara ibsu.
Real number	Lakkoofsa Waliigalaa	Lakkoofsota entaa fi entaa-al ta'an hunda kan of keessatti hammatu.
Imaginary number	Lakkoofsa Yaadoo	Lakkoofsa kuuslamee (square) seelkataa qabu; fkn, i.
Complex number	Lakkoofsa Xaxamaa	Lakkoofsa kutaalee waliigalaa fi yaadoo of keessaa qabu.
Integer	Lakkoofsa Duuchaa	Lakkoofsa guuttoo, seelkataa ykn zeeroo kan hirmeemii hin qabne. (..., -2, -1, 0, 1, 2, ...)
Natural number	Lakkoofsa Lakkaawwii	Lakkoofsota idilee wantoota ittiin lakkaawwan. (1, 2, 3, ...)
Rational	Lakkoofsa Entaa	Lakkoofsa bifa hirmeemiin (a/b) barreeffamuu danda'u.
Prime	Kophxii	Lakkoofsa ofii isaa fi tokkoon (1) qofa hiramu.
Composite	Hammattoo	Lakkoofsa hirmaata lamaa ol qabu.
Positive Number	Lakkoofsa Guuttoo	Lakkoofsa kamiyyuu kan zeeroo ol ta'e. (+)
Negative Number	Lakkoofsa Seelkataa	Lakkoofsa kamiyyuu kan zeeroo gadi ta'e. (-)
Fraction	Hirmeemii ykn Hirmee	Kutaa guutuu tokkoo. Fakkeenyaaf, 1/2.
Addition	Ida'uu	Gocha herregaa kan lakkoofsota lama ykn isaa ol walitti dabaluu.
Sum	Ida'ama	Bu'aa yeroo lakkoofsonni walitti idaa'aman argamu.
Subtraction	Hir'isuu	Gocha herregaa kan lakkoofsa tokko isa kaan irraa buusuu.
Difference	Hir'ifama ykn Garaagarummaa	Bu'aa lakkoofsa tokko irraa isa kaan hir'isuun argamu.
Multiplication	Baay'isuu	Gocha herregaa kan lakkoofsa tokko yeroo lakkoofsa biraa ida'uu.
Product	Baay'ataa	Bu'aa yeroo lakkoofsonni walbaay'atan argamu.
Division	Hiruu	Gocha herregaa kan lakkoofsa tokko garee walqixa ta'etti qooduu.
Quotient	Gahee	Bu'aa qooddii (hiruu) irraa argamu.
Absolute value	Gatsirrii	Fageenya lakkoofsi tokko zeeroo irraa qabu, yeroo hunda guuttoo kan ta'e.
Set	Tuuta	Walitti qabama wantoota adda addaa kan amala walfakkaataa qaban.
Subset	Cita Tuutaa	Tuuta miseensonni isaa hundi tuuta biraa keessatti argaman.
Proper subset	Cita Tuuta Sirrii	Cita tuutaa kan tuuta guddaa wajjin guutummaatti walqixa hin taane.
Union	Makoo	Tuuta haaraa kan miseensota tuutaalee lamaanii walitti makuun uumamu.
Intersection	Kipha	Miseensota tuutaalee adda addaa gidduutti waloof ta'an.
Complement	Guuchisoo	Tuuta miseensota tuuta tokko keessa hin jirree garuu hawaasa tuutaa keessa jiran.
Constant	Dhaabbataa	Gatii kan hin jijjiiramne. Fakkeenyaaf, π fi e.
Even number	Lakkoofsa guutuu	Lakkoofsa lamatti hiramuu danda'u (fkn: 2, 4, 6...).
Odd number	Lakkoofsa mangoo	Lakkoofsa lamatti hiramuu hin dandeenye (fkn: 1, 3, 5...).
Decimal	Kurniitee	Lakkoofsa tuqaa (tuqaa desimaalii) fayyadamu (fkn: 3.14).
Numerator	Waamamaa	Lakkoofsa hirmeemii tokko keessatti irra (ol) jiru.
Denominator	Waamsiisaa	Lakkoofsa hirmeemii tokko keessatti jala (gadi) jiru.
Reciprocal	Garagaloo	Lakkoofsa tokko waamamaa fi waamsiisaa isaa bakka jijjiiruun kan argamu.
Ratio	Hirrita	Walbira qabiyyaa lakkoofsota lamaa ykn isaa ol.
Proportion	Qixxaantaa	Hima walqixxummaa hirritoota lama gidduu jiru.
Percent	Dhibbantaa	Lakkoofsa ykn hirrita dhibbaan hiramuun ibsamu (%).
Multiple	Baay'ataa	Bu'aa lakkoofsa tokko lakkoofsa biraatiin yeroo baay'ifamu argamu.
Greatest Common Divisor (GCD)	Hiramaa walii guddichaa (HWG)	Lakkoofsa guddaa lakkoofsota lama ykn isaa ol qooduu danda'u.
Least Common Multiple (LCM)	Hiramaataa walii xiqqichaa (HWX)	Lakkoofsa xinnaa lakkoofsota lama ykn isaa oliif baay'ataa waloof ta'e.
Exponent	Aangessoo	Lakkoofsa xixinnoo lakkoofsi tokko ofiin yeroo meeqa akka baay'ifamu agarsiisu.

Aljeebraa (Algebra)

Maqaa Afaan Ingiliziin	Maqaa Afaan Oromoon	Ibsa Gabaabaa
Algebra	Aljeebraa, Gimwallaa	Damee herregaa kan mallattoolee fi qubeewwan bakka lakkoofsaa fayyadamu.
Variable	Jijjiiramaa	Mallattoo kan gatii herregaa hin beekamne ykn jijjiiramuu danda'u bakka bu'u.
Function	Warroommii	Hariiroo galtee fi bu'aa gidduu jiru; galteen tokko bu'aa tokko qofa qaba.
Expression	Ibsama	Walitti qabama jijjiiramoota, lakkoofsotaa fi mallattoolee hojmaataa (kan = hin qabne).
Equation	Hima Walqixaa	Ibsa herregaa kan mallattoo (=) fayyadamuun wantoonni lama walqixa ta'uu agarsiisu.
Linear equation	Hima Walqixaa Sararaawaa	Hima walqixaa kan aankiin jijjiiramaa isaa olaanaan tokko (1) ta'e.
Simultaneous eq.	Hima Walqixaa Walfaanoo	Sirna himoota walqixaa lama ykn isaa ol yeroo tokkoon furaman.
Quadratic equation	Hima Kaslamee	Hima walqixaa kan aankiin jijjiiramaa isaa olaanaan lama (2) ta'e.
Inequality	Hima Walcaalmaa	Ibsa kan mallattoo (<, >) fayyadamuun gatiiwwan walcaaluu agarsiisu.
Term	Waamsa	Kutaa hima aljebraa kan ida'uun ykn hir'isuun addaan bahu.
Polynomial	Waamsa Danee	Ibsama herregaa kan waamsota hedduu of keessaa qabu.
Degree	Aankii	Aangoo olaanaa jijjiiramaa waamsa danee tokko keessatti argamu.
Rational expression	Ibsama Entaa	Ibsama akka hirmeemii waamsota danee lamaatti barreeffamu.
Factorization	Hirmaateessuu	Ibsama herregaa gara baay'ataa hirmaattoota isaatti diiguu.
Factor	Hirmaata	Lakkoofsa ykn ibsama kan isa biraatiin yeroo baay'atu bu'aa barbaadame kennu.
Power	Aangoo	Lakkoofsa guutuu kan lakkoofsi ofiin yeroo meeqa akka baay'ifamu agarsiisu.
Radical	Asxundee, Caaroo	Mallattoo hundee (√) agarsiisuuf tajaajilu.
Range (of a function)	Hangii	Tuuta bu'aawwan (outputs) hunda kan warroommiin kennu.
Inverse	Fuggisoo	Gocha ykn warroommii faallaa isaa ta'e (fkn, fuggisoon ida'uu hir'isuudha).
Symmetry	Dacha'oo	Amala boca ykn caattoo bakka walqixa lamatti haala walfakkaatuun qoodamuu danda'uu.
Intercept	Qaxxaamura	Bakka caattoon tokko siiqqee (axis) itti qaxxaamuru.
Asymptote	Haqaaqa	Sarara caattoon tokko itti dhihaachaa deemu garuu hin tuqne. (Olee = vertical, Dalgee = horizontal, Shaffaaxa = oblique).
Slope	Dhundhula	Hamma ciisina ykn olka'iinsa sarara tokkoo.
Coefficient	Maxxantoo	Lakkoofsa dhaabbataa kan jijjiiramaa wajjin walbaay'atu.
Monomial	Waamsa-tokkee	Ibsama aljeebraa waamsa tokko qofa qabu.
Binomial	Waamsa-lamee	Ibsama aljeebraa waamsa lama qabu (fkn: a + b).
Domain	Mandhee	Tuuta gatiiwwan galtee (x) kan warroommiin tokko fudhatu hunda.
Root / Solution	Furmaata	Gatii jijjiiramaa kan hima walqixaa tokko dhugaa taasisu.
Identity	Of-taasisaa	Hima walqixaa kan gatii jijjiiramaa hundaaf dhugaa ta'e.
Substitution	Bakka buusa	Gatii lakkoofsaa iddoo jijjiiramaa tokkoo buusuu.
Evaluate	Madaaluu	Gatii dhumaa ibsama tokkoo shallaguun barbaaduu.
Independent variable	Jijjiiramaa ofdanda'aa	Galtee warroommii kan gatiin isaa jijjiiramaa biraa irratti hin hundoofne.
Dependent variable	Jijjiiramaa hirkataa	Bu'aa warroommii kan gatiin isaa jijjiiramaa of-danda'aa irratti hundaa'u.
Logarithm	Loogarizimii	Faallaa aangessoo; lakkoofsi bu'uuraa meeqatti aanga'ee akka bu'aa kennu agarsiisa.
Simplify	Salphisuu	Ibsama herregaa tokko bifa gabaabaa fi ifa ta'een barreessuu.

Tartiiba fi Walgaafaa (Sequences and Series)

Maqaa Afaan Ingiliziin	Maqaa Afaan Oromoon	Ibsa Gabaabaa
Sequence	Walfaantii	Tarree lakkoofsotaa kan seera murtaa'e tokko hordofee walfaana dhufu.
Series	Walgaafa	Ida'ama wal-hordofaa miseensota tartiiba (walfaantii) tokkoo.
Arithmetic sequence	Walfaantii gimxooshaa	Walfaantii garaagarummaan miseensota wal-hordofan gidduu jiru dhaabbataa ta'e.
Geometric sequence	Walfaantii hercaasawaa	Walfaantii miseensi itti aanu isa duraa lakkoofsa dhaabbataan baay'isuun argamu.
Common difference	Garaagarummaa waloo	Hamma walfaantii gimxooshaa keessatti miseensonni ittiin gargar fagaatan.
Common ratio	Hirrata waloo	Lakkoofsa walfaantii hercaasawaa keessatti miseensa haaraa uumuuf fayyadu.
Finite sequence	Walfaantii dhumaa	Walfaantii lakkoofsa xumuraa ykn daangaa qabu.
Infinite sequence	Walfaantii fufaa	Walfaantii dhuma hin qabne fi itti fufu.
Partial sum	Ida'ama gamisaa	Ida'ama miseensota walfaantii muraasa qofaa.
Convergent	Walitti dhufaa	Walfaantii ykn walgaafa gara gatii daangaa murtaa'e tokkootti siqu.
Divergent	Gamgamee	Walfaantii ykn walgaafa gatii murtaa'e tokkotti hin siqne.
Recursive formula	Unkee galiisa	Seera miseensi haaraan tokko miseensota isa duraa irratti hundaa'uun barbaadamu.

Hercaasaa fi Danaalee (Geometry & Shapes)

Maqaa Afaan Ingiliziin	Maqaa Afaan Oromoon	Ibsa Gabaabaa
Geometry	Hercaasaa	Damee herregaa kan waa'ee bocaa, guddinaa fi iddoo qoratu.
Point	Tuqaa	Bakka iddoo keessatti argamu, kan dheerina, bal'ina, ykn olka'iinsa hin qabne.
Line	Sarara	Fageenya gabaabaa tuqaawwan lama gidduutti argamu.
Angle	Kofa	Iddoo sararoonni lama itti wal-argan, kan digiriin safaramu.
Bearing	Ka'umsa Safaraa	Kofa kaaba irraa ka'uun kallattii agarsiisuuf safaramu.
Parallel	Waltarree	Sararoota fageenya walqixa wal-irraa qabanii fi matumaa wal hin tuqne.
Perpendicular	Dhabsirroo	Sararoota kofa sirrii (90°) irratti wal-qaxxaamuran.
Plane	Diriiroo	Iddoo diriiraa daangaa hin qabne (2D).
Triangle	Sadakkuu, Rogsadee	Bokoo cufaa kan roga sadii fi kofa sadii qabu.
Square	Arfakkuu	Bokoo cufaa kan roga afur walqixa ta'anii fi kofa sirrii afur qabu.
Rectangle	Afroggee	Bokoo roga afur kan kofoonni isaa hunduu sirrii (90°) ta'an.
Parallelogram	Cinroggee	Afrakkuu kan rogni wal-faallessu waltarree (parallel) ta'e.
Trapezoid	Limmatoo	Afroggee roga waltarree ta'an cimdii tokko qofa qabu.
Rhombus	Kofarfee	Afrakkuu kan rogni isaa hunduu walqixa ta'e.
Pyramid	Dossoo	Boca-sadee bu'uura rogdanee qabuu fi fiixee tokkotti walitti dhufu.
Cone	Biilalee, Muxxata	Boca-sadee kan bu'uurri isaa geengoo ta'ee, fiixeetti ol-cuqqaalamu.
Cylinder	Shirimirii	Boca-sadee kan bu'uura geengoo walqixa lamaa fi dirra gomboobaa qabu.
Side	Roga	Sarara daarii boca tokkoo ijaaru.
Base	Hundee	Roga jalaa kan bocni tokko irratti dhaabatu.
Height	Olee	Dheerina hundee irraa hanga fiixeetti jiru (olka'iinsa).
Length	Dheerina	Safara fageenya dheeraa wanta tokkoo.
Width	Dalgee	Safara bal'ina sarara cinaa (gabaabaa) wanta tokkoo.
Centroid	Handhuura	Tuqaa giddugaleessa ulfaatinaa ykn wiirtuu boca tokkoo.
Area	Baldhina	Safara iddoo diriiraa boca tokko keessa jiruu.
Perimeter	Naannawa	Dheerina waliigalaa sarara daarii boca tokkoo.
Volume	Qabbee	Safara iddoo boca-sadee (3D) tokko keessa jiruu.
Surface Area	Baldhina dirra	Ida'ama bal'ina fuulota boca-sadee tokkoo hunda.
Polygon	Rog-hedduu	Boca cufaa kan sararoota qajeelaa sadii ykn isaa oliin ijaarame.
Acute angle	Kofa qoree	Kofa digirii 0 irraa guddaa, 90 irraa xinnaa ta'e.
Obtuse angle	Kofa baldhaa	Kofa digirii 90 irraa guddaa, 180 irraa xinnaa ta'e.
Right angle	Kofa sirrii	Kofa sirriitti digirii 90 safaramu.
Straight angle	Kofa qajeelaa	Kofa sirriitti digirii 180 safaramu (sarara qajeelaa).
Congruent	Walittii galoo	Bocoota guddinaa fi bifa guutummaatti walqixa ta'e qaban.
Similar	Walfakkaataa	Bocoota bifa walfakkaataa qaban garuu guddinni isaanii adda ta'uu danda'u.
Diagonal	Sarbii	Sarara kofoota walfuullee ta'an lama walqunnamsiisu.

Kutaa Biilalee (Conic Sections)

Maqaa Afaan Ingiliziin	Maqaa Afaan Oromoon	Ibsa Gabaabaa
Conic section	Kutaa Biilalee	Caattoo biilalee (cone) fi diriiroo (plane) qaxxaamursiisuun uumamu.
Circle	Geengoo	Sarara gomboobaa cufaa tuqaa gidduu irraa fageenya walqixa qabu.
Radius	Wiifa	Sarara wiirtuu geengoo irraa ka'ee daarii isaa tuqu.
Diameter	Fullata	Sarara daarii geengoo lama walqunnamsiisuu fi wiirtuu keessa darbu.
Arc	Golboo	Kutaa sarara daarii geengoo ykn boca gomboobaa tokkoo.
Sector	Birkoo	Kutaa geengoo kan wiifa lamaa fi golboon daangeffame.
Parabola	Baallaa	Caattoo bifa 'U' qabu kan kutaa biilalee irraa argamu.
Ellipse	Luggee	Boca killee ykn geengoo harkifame fakkaatu.
Hyperbola	Garlamboollee	Kutaa biilalee sararoota bifa faallaa ta'een banaman lama qabu.
Vertex	Guttiyyee	Fiixee ykn tuqaa ijoo itti sararoonni ykn caattoon dacha'u.
Directrix	Sararqa	Sarara iddoo dhaabbataa kan caattoo kutaa biilalee uumuuf fayyadu.
Focus	Qaatii	Tuqaa dhaabbataa baallaa ykn luggee safaruuf gargaaru.
Foci	Qaatiilee	Tuqaalee 'qaatii' (focus) hedduu bakka bu'u.
Major axis	Siiqqee Guddaa	Sarara dheeraa luggee (ellipse) tokkoo qaxxaamuru.
Minor axis	Siiqqee Xinnaa	Sarara gabaabaa luggee tokkoo qaxxaamuru.
Transverse axis	Siiqqee Walfuullee	Sarara wiirtuu garlamboollee darbuun qaatiilee walqunnamsiisu.
Conjugate axis	Siiqqee Mirree	Sarara dhabsirroo siiqqee walfuullee ta'e.
Coordinate Plane	Diriiroo ko'ordineetii ykn Qindeessii	Iddoo siiqqee X fi Y tiin qoodamee tuqaaleen irratti kaafaman.
Origin	Hadhuura	Tuqaa siiqqeen X fi Y itti wal-qaxxaamuran (0,0).
Quadrant	Qarxii	Kutaalee afur kan diriiroon qindeessii itti qoodamu.
Chord	Sarbii	Sarara qajeelaa tuqaalee daarii geengoo lama walqunnamsiisu.
Tangent line	Sarara tuqatoo	Sarara daarii geengoo ykn caattoo tuqaa tokko qofa irratti tuqee darbu.
Secant line	Sarara taloo	Sarara daarii geengoo tuqaalee lama irratti qaxxaamuru.
Locus	Xoxxobbee	Daandii ykn karaa tuqaan tokko seera murtaa'e hordofuun uumu.
Cartesian coordinates	Qindeessiilee qaxxaamuraa	Sirna iddoo tuqaa tokkoo X fi Y fayyadamuun ibsu.
Distance formula	Unkee fageenyaa	Herrega fageenya tuqaalee lama gidduu jiru shallaguuf fayyadu.

Tarreentaalee fi Kalqabee (Matrices and Vectors)

Maqaa Afaan Ingiliziin	Maqaa Afaan Oromoon	Ibsa Gabaabaa
Matrices	Tarreentaalee	Tarreewwan lakkoofsotaa bifa gabateen gurmaa'an.
Matrix	Tarreentaa	Tarree lakkoofsotaa kan tarjaa fi tarreedhaan qindaa'e.
Row	Tarree	Lakkoofsota haala dalgeetiin (horizontally) barreeffaman.
Column	Tarjaa	Lakkoofsota haala oletiin (vertically) barreeffaman.
Determinant	Gatwaraantoo	Gatii addaa tarreentaa afrakkuu (square matrix) irraa shallagamu.
Vector	Kalqabee	Wanta safara hammangaa (magnitude) fi kallattii qabu.
Square matrix	Tarreentaa afrakkoo	Tarreentaa baay'ina tarree fi tarjaa walqixa qabu.
Identity matrix	Tarreentaa oftaasisaa	Tarreentaa qaxxaamurri isaa 1, kutaaleen hafan hundi 0 ta'an.
Zero matrix	Tarreentaa luwwaa	Tarreentaa miseensonni isaa hundi zeeroo (0) ta'an.
Transpose	Laaqa	Tarree fi tarjaa tarreentaa tokkoo bakka wal-jijjiiruu.
Inverse matrix	Tarreentaa fuggisoo	Tarreentaa kan isa duraatiin yeroo baay'atu tarreentaa oftaasisaa kennu.
Scalar	Kaldhabee	Wanta guddina qofa qabu garuu kallattii hin qabne.
Dot product	Baay'ata tuqoo	Baay'ataa kalqabeewwan lamaa kan bu'aan isaa kaldhabee ta'e.
Cross product	Baay'ata qaxxaamuraa	Baay'ataa kalqabeewwan lamaa kan bu'aan isaa kalqabee haaraa ta'e.
Magnitude	Hammangaa	Dheerina ykn guddina kalqabee tokkoo.
Direction	Kallattii	Fiixeen kalqabee eessa akka eegu (garasitti akka akeeku) agarsiisa.
Unit vector	Kalqabee tokkee	Kalqabee hammangaan (guddinni) isaa sirriitti tokko (1) ta'e.
Orthogonal	Dhabsirroo	Kalqabeewwan kofa sirrii (90°) irratti walqaxxaamuran.

Kaalkulasii (Calculus)

Maqaa Afaan Ingiliziin	Maqaa Afaan Oromoon	Ibsa Gabaabaa
Limit	Daangaa	Gatii warroommiin tokko itti dhihaatu yeroo galteen isaa gara gatii murtaa'e tokkootti siqu.
Derivative	Babbaafammee	Saffisa jijjiirama warroommii tokkoo agarsiisa.
Integral	Guuttee ykn Wajjummaa	Bal'ina caattoo jala jiru shallaguuf kan gargaaru.
Continuous	Fuftoo	Warroommii caattoon isaa utuu hin citin / hin kukkutamin ijaaramu.
Differentiable	Gargabahaa	Warroommii tuqaa hundatti babbaafammee qabu.
Rate of change	Makkii jijjiramaa	Saffisa galteen tokko yeroo jijjiiramu bu'aan hammam akka jijjiiramu ibsu.
Maximum	Olaanaa	Gatii hundaa ol guddaa ta'e kan warroommiin tokko iddoo murtaa'etti qabu.
Minimum	Gadaanaa	Gatii hundaa gadi xinnaa ta'e kan warroommiin tokko qabu.
Inflection point	Tuqaa jallinaa	Tuqaa caattoon warroommii tokkoo kofoo isaa itti jijjiiru.
Definite integral	Guuttee daanga'aa	Guuttee daangaa ka'umsaa fi xumuraa qabu.
Indefinite integral	Guuttee mit-daanga'aa	Guuttee daangaa hin qabne (bu'aan isaa warroommii + C).
Antiderivative	Faalbabbaafammee	Gocha faallaa babbaafammee barbaaduu.
Chain rule	Seera funcaa	Seera warroommii xaxamaa tokkoof babbaafammee barbaaduuf gargaaru.

Istaatistiksii fi Carraa (Statistics and Probability)

Maqaa Afaan Ingiliziin	Maqaa Afaan Oromoon	Ibsa Gabaabaa
Statistics	Istaatistiksii, Xinannoo	Saayinsii agargoo walitti qabuu, qindeessuu, fi xiinxaluu.
Probability	Carraa	Sadarkaa ykn dandeettii taateen tokko itti raawwatamuu danda'u.
Factorial	Tarbaayisuu	Baay'ataa lakkoofsota idilee 1 irraa eegalee hanga lakkoofsa kennamee jiran hunda (n!).
Permutation	Hiriirmaya	Filannoo ykn qindaa'ina wantootaa kan tartiibni (order) isaanii iddoo guddaa qabu.
Combination	Filmaya	Filannoo wantootaa kan tartiibni isaanii iddoo hin qabne.
Data	Agargoo	Odeeffannoo walitti qabame, kan yeroo baayyee lakkoofsaan ibsamu.
Variance	Faca'ina	Safara hammam agargoon tokko giddu-galeessa irraa akka fagaatu ykn faca'u agarsiisu.
Mean / Average	Giddu-galeessa	Walitti ida'ama lakkoofsotaa baay'ina isaaniitiif hirame.
Median	Gatii Gidduu	Gatii agargoo tartiibeffame keessatti walakkaa irra jiru.
Mode	Gatii Marmaaraa	Gatii agargoo keessatti irra deddeebi'amee mul'atu.
Sample	Iddattoo	Kutaa xiqqaa ragaa irraa qorannaaf walitti qabame.
Population	Hawaasa ragaa	Guutummaa ragaa ykn garee qorannoon irratti adeemsifamu hunda.
Standard deviation	Maqiinsa daddeessaa	Safara ragaan tokko giddu-galeessa isaa irraa hammam akka fagaatu agarsiisu.
Outlier	Al-bahaa	Ragaa tokko kan ragaalee biroo irraa adda bahee garmalee guddaa ykn xinnaa ta'e.
Range (of data)	Garaagarummaa	Fageenya gatii ragaa isa guddaa fi isa xinnaa gidduu jiru.
Graph	Caattoo ykn Caasmaya	Fakkii ragaa ykn hariiroo herregaa agarsiisuuf gargaaru.
Event	Taatee	Bu'aa ykn walitti qabama bu'aawwanii carraa tokko keessatti eegamu.
Sample space	Iddoo iddattoo	Tuuta bu'aawwan carraa qorannoo tokko keessatti uumamuu danda'an hunda.
Independent events	Taateewwan of-danda'an	Taateewwan uumamuu isa tokkoo isa kaan irratti dhiibbaa hin geessisne.
Dependent events	Taateewwan hirkatoo	Taateewwan uumamuun isa tokkoo carraa inni kaan itti uumamu jijjiiru.
Mutually exclusive	Ta'iilee waldaangessam	Taateewwan yeroo tokkotti wal-faana raawwatamuu hin dandeenye.
Frequency	Marmaarsa	Baay'ina yeroo ragaan tokko tuuta ragaa keessatti mul'atu.
Histogram	Caasmayoo	Caattoo tarjaa kan ragaa tartiibeeffame agarsiisuuf gargaaru.