Is’haaq Niiwtan
From Wikipedia
Is’haaq Niiwtan fiiziziistii, ogeessa herregaa, astroonoomara fi falaasessaa uumaa biyya Birixaaniyaa ture. Kitaabni itti-bultoota herrega fi falaasama umaa irratti inni bara 1687tti katabe seenaa sayinsii keessatti kitaabota dura-bu’oota keessaa tokko, kitaabota herregaa gurguddaa duubarra dhufaniif utubaa tahuudhaan. Kitaaba kanarratti Niiwtan akkaataa ufitti-harkisa lafaa fi heera sochii sadiin addaan baasee ibsa. Dhufiinsa Diifaranshaal kaalkulas fi intagraal kaalkulasiitiif, herrega keessatti Niiwtan, Gootfrad Liibniz waliin galata qaba.
